[265] ‘‘รมณียาทิโต กณฺติ กณฯ มานญฺญกํฯ

อพฺยยตทฺธิต

[266] ‘‘วิภาเค ธา เจ’’ติ ธา, จกาเรน โสปฺปจฺจโย จฯ เอเกน วิภาเคน เอกธา, นิปาตตฺตา สิโลโปฯ ปทวิภาเคน ปทโสฯ

[267] ‘‘สพฺพนาเมหิ ปการวจเน ตุ ถา’’ติ ถาฯ ตุกาเรน ถตฺตา จฯ สพฺโพ ปกาโร, สพฺเพน ปกาเรน วา สพฺพถาฯ เอวํ อญฺญถตฺตาฯ

[268] ‘‘กิมิเมหิ ถ’’นฺติ ถํ, กาเทเส-กถํฯ อิอาเทเส-อิตฺถํ, ถนฺติ โยควิภาเคน ถํ-พหุตฺถํฯ

[269] อมลินํ มลินํ กโรตีตฺยาทฺยตฺเถ-อภูตตพฺภาเว คมฺยมาเน กรภูโยเค สติ นามโต ยทาทินา อีปฺปจฺจโย, มลินีกโรติ เสตํฯ อภสฺมโน ภสฺมโน กรณนฺติ ภสฺมีกรณํ กฏฺฐสฺสฯ อมลิโน มลิโน ภวตีติ มลินีภวติ เสโตฯ อีปฺปจฺจยนฺโตปิ นิปาโตฯ อภูตตพฺภาเวติ กิํ, ฆฏํ กโรติ, ฆโฏ ภวติฯ

กรภูโยเคติ กิํ, อมลิโน มลิโน ชายเตฯ

อวตฺถาวโตวตฺถยา, ภูตสฺสญฺญาย วตฺถุโนฯ

ตายาวตฺถาย ภวนํ, อภูตตพฺภวํ วิทุํฯ

ตทฺธิโตฯ